રાધાની લટની લહેરાતી કાળાશે ખોવાયો ક્હાન કેમ શોધું?


એક અદભૂત ગીત એક નવા સ્વર સાથે….

Prempriya

tumblr_me4rlomsYa1r5zn6ro1_1280

“આખું આકાશ એક રંગે છવાયું
એમાં વ્હાલમનો વાન કેમ શોધું?”

ગાયક – સૌમિલ મુન્શી

ગાયિકા – મેધા યાજ્ઞિક

રાધાની લટની લહેરાતી કાળાશે
ખોવાયો ક્હાન કેમ શોધું?
આખું આકાશ એક રંગે છવાયું
એમાં વ્હાલમનો વાન કેમ શોધું?

એક તો વૃંદાવન કેડી
ને કેડી પર ઉગ્યા કદંમ્બ કેરા ઝાડ
હળવો હડસેલો લાગે લહેરીને
સૌરભના અણધાર્યા ઉઘડે કમાડ

સમજું સૈયર તમે ઘરભેગી થાઓ
હવે ભુલી હું ભાન કેમ શોધું?

ઉડતા વિહંગ કેરા ટહુકા વણાયા હશે
વહેતી હવાની કોઇ લહેરમાં
ગોકુળનો મારગ તો ઢૂંકડો લાગે છે
હવે સમજાવો કેમ જવું ફેરમાં

યમુનાના વ્હેણનું તરંગાતું ગાન
એમાં મનગમતી તાન કેમ શોધું?

View original post

Advertisements
Posted in અન્ય | Leave a comment

वो मेरा था ये बताना अजीब लगता है


109f3b7010d968945e4bb3c39af86e52

[audio https://dl.dropboxusercontent.com/u/9342368/anup_jalota_woh_mera_tha.mp3]

वो मेरा था ये बताना अजीब लगता है
अब उससे आँख मिलाना अजीब लगता है

जो ज़िन्दगी में कभी मेरा हो न पाया
अब उसका ख़्वाब में आना अजीब लगता है

बड़े ख़ुलूस से दावत तो उसने भेझी है
पर उसकी मेहफिल में जाना अजीब लगता है

था जिसका हाथ हमेशा हमारे हाथों में
अब उसका हाथ मिलाना अजीब लगता है

वो मेरा था ये बताना अजीब लगता है
अब उससे आँख मिलाना अजीब लगता है

Posted in Audio, हिन्दी, અન્ય | Tagged , , , , , , | Leave a comment

ભીંતે ચિતરેલ રૂડા ગરવા ગણપતિ


bride-in-blue-28

ભીંતે ચિતરેલ રૂડા ગરવા ગણપતિ
તમે બોલો આ મીંઢણ હું બાંધું?
આખા તે આયખાના મઘમઘતા કંચવાને
પારકી તે ગાંઠથી કાં ગાંઠું?

લચી પડે છે હજુ લીલીછમ યાદો
ને પાંપણમાં પોઢી છે રાતો
હળુહળુ હેતમાં હેળવેલાં હોઠનો
જો ને અલી છે ને રંગ રાતો

અંતરમાં ઉમટેલા વ્હાલના વંટોળને
હું નાડાછડીથી કાં બાંધુ?
આખા તે આયખાના મઘમઘતા કંચવાને
પારકી તે ગાંઠથી કાં ગાંઠું?

પીઠી તું ચોળ પછી, પહેલા તું બોલ
આ રાતા તે રંગમાં શું ભરવું (?)
સાતમે પાતાળ સાવ રેશમમાં વીતેલા
સપનાનું મારે શું કરવું?

પાનેતર પારકું તો ઓઢીને બેસું પણ
મનની ચોપાટ કેમ માંડું?
આખા તે આયખાના મઘમઘતા કંચવાને
પારકી તે ગાંઠથી કાં ગાંઠું?

ચોરીના ચાર ફેરા ફરું તો કેમ?
પડે ભવભવના ફેરા નક્કામા
આગળના રસ્તાને ભાળે શું આંખ
મળે વીત્યાના પડછાયા સામા

કાડું તો બાંધું બે તમારા કહેવાથી
હૈયાને કેમ કરી બાંધું?
આખા તે આયખાના મઘમઘતા કંચવાને
પારકી તે ગાંઠથી કાં ગાંઠું?

Posted in Audio, ગુજરાતી, નયનેશ જાની, શુકદેવ પંડ્યા | Tagged , , , , | Leave a comment

પાલવ અડક્યાનો મને વ્હેમ છે


woman in sari

જાણીબૂઝીને અમે અળગાં ચાલ્યાં ને છતાં
પાલવ અડક્યાનો મને વ્હેમ છે
સાવ રે સફાળા તમે ચોંકી ઉઠ્યાને, પછી
ઠીક થઇ પૂછ્યું કે કેમ છે’ ?

આટલા અબોલા પછી આવો સવાલ, કહો
કેમ કરી ઊતરવું પાનું?
મૂંગા રહીએ તો તમે કારણ માનો ને, હોઠ
ખોલીએ તો બોલવાનું બ્હાનું !

હું તો બોલીશ છતાં માનશો તમે કે
હજી દુનિયા આ મારી હેમખેમ છે !

વાયરાથી નળિયાને ફૂટી છે પાંખ, થઇ
ચાલતી દીવાલ થકી ઇંટો ?
ભર રે ચોમાસે હવે છાપરા વિનાનો, કેમ
કોરો રહે સ્મરણોનો વીંટો ?

દુનિયાની વાત મૂકો, માનશો તમે કે, હજી
આપણી વચાળે જરી પ્રેમ છે ?

Posted in Audio, ગુજરાતી, પરેશ ભટ્ટ, પ્રણવ મહેતા, હરિન્દ્ર દવે | Tagged , , , , , | Leave a comment

મોરપિચ્છની રજાઈ ઓઢી…


2350_original

મોરપિચ્છની રજાઈ ઓઢી
તમે સૂઓને શ્યામ
અમને થાય પછી આરામ….

મુરલીના સૂરનાં ઓશીકાં
રાખો અડખે-પડખે
તમે નીંદમાં કેવા લાગો
જોવા ને જીવ વલખે
રાત પછી તો રાતરાણી થઇ
મ્હેકી ઊઠે આમ….

અમે તમારા સપનામાં તો
નક્કી જ આવી ચડાશું
આંખ ખોલીને જોશો ત્યારે
અમે જ નજરે પડશું
નિદ્રા-તંદ્રા-જાગૃતિમાં
ઝળહળભર્યો દમામ….

Posted in Audio, हरिहरन्‌, આશિત દેસાઈ, ગીત, ગુજરાતી, સુરેશ દલાલ | Tagged , , , , , , | Leave a comment

સખી મધરાતે એકવાર મીરાં આવી’તી…


969278_10153534278540375_1758599644_n

[audio https://dl.dropboxusercontent.com/u/9342368/Sakhi%20madharate%20ekvaar%20meera%20aavi%20ti.mp3]

સખી મધરાતે એકવાર મીરાં આવી’તી
મારા મનનાં મંદિરીયામાં રહેવા.
સપના ઢંઢોળી મુને માધવની વાતડી
એ હળું હળું લાગી’તી કહેવા.

ગોકુલ મથુરાને દ્વારિકાની રાજ એણે
હસી હસી દીધી’તી હાથમાં,
મુરલીના સૂર ગુંથી તુલસીની માળા
એણે પહેરાવી લીધી’તી બાથમાં.

એની રે હુંફમાં એક જોકું આવ્યું ને
એમ આંસુ ઝર્યા’તા અમી જેવા.

સખી મધરાતે એકવાર..

ગોરસ ગીતાના એણે એવા રે પાયા,
મારી ભવ ભવની તરસ્યું છીપાણી,
ભાગવા તે રંગે હું એવી ભીંજાણી
મારાં રૂંવે રૂંવે મીરાં રંગાણી.

ભગવની છોળ ધરી મીરાની વાત
હું તો ઘેર ઘેર ઘુમતી રે કહેવા.

સખી મધરાતે એકવાર..

Posted in Audio, ગુજરાતી, નયન પંચોલી, ભાસ્કર વોરા | Tagged , , , , , , | Leave a comment

ફાગણિયો કેસારિયો છાયો…


holi-radha-krishna

ફાગણિયો કેસારિયો છાયો, ઉમંગની છોળોમાં સાંવરિયો નાહ્યો.
શેરી શરમાઈ ભાઈ, સૈયર ભીજાઈ ભાઈ, ફોરમનો દરિયો રેલાયો.

મદમાતો રંગ ઝરે વાયરિયે વહેતો,
કેસૂડો કેડિયાને વરણાગી કહેતો.
ચૂંદ્લડી ચમકે, ગાગરડી છલકે,
તાજપનું પૂર થઈ આયો.

ચેતન એવું કે લાગે વીજળીયું પહેરી,
સૈયર સંગ યુવાન થઈ શેરી,
સપના સજાતા, ગીતો ગવાતાં
ઘેને ઘેઘુર એ પીવાયો.

અંગ અંગ ઓચિંતી કોકીલા બોલતી,
જોબનના દરવાજા દસ્તક દઈ ખોલતી.
આંબિયું રે થનકે, ઝાંઝરીયું ઝમકે,
નખરાળો ફૂલણ ફટાયો.

Posted in Audio, ગુજરાતી, ગોકુલની વાત, દિલિપ જોષી, રેખા ઠાકર, સુધીર ઠાકર | Tagged , , , , , , , , | Leave a comment