પ્રેમના આ સોહામણાં પર્વ પર આપ સૌને ખુબ ખુબ શુભેચ્છાઓ….
આમ તો મારું personally એવું માનવું છે કે પ્રેમ કે પ્રેમની અભિવ્યક્તિ કોઈ એક દિવસ માટે મર્યાદિત નથી હોતી પણ જ્યારે કોઈ સોનેરી ક્ષણની રાહમાં દરેક ક્ષણ કોઈ અભિસારિકાની માફક સુંદર બની જતી હોય ત્યારે એ પ્રતિક્ષાની પળો કેટ્લી રંગીન હોય છે !!
લગભગ એક અઠવાડિયાથી આ દિવસનું આયોજન ચાલતુ હોય છે એવું સાંભળવામાં આવ્યું છે…કોઈ ચોક્કસ દિવસે ચોકલેટ અને ચોક્કસ દિવસે ફૂલ…. દિલની વાત તો એક પાંદડું પણ કહી આપે છે બસ એ વાત એ જ દિલ સમજી શકે જે આપના માટે બન્યું હોય એમાં કોઈ code wordની જરૂર પડ્તી નથી…
ક્યાંક સાંભળ્યું છે કે જ્યારે કોઈ પ્રેમ નિષ્ફળ બને છે ત્યારે એ જે તે વ્યક્તિના accountનો password બની સચવાય છે !!
તો આપ સૌ આપના દિલનુ account ખોલો અને પરિક્ષા આપો…!!
હા, આજે આપે એક પરિક્ષા આપવાની છે… અને….પ્રશ્નપત્ર આ પ્રમાણે છે….
1. હાથ પરોવો હાથોમાં ને આંગળીઓની વચ્ચે રહેલી ખાલી જગ્યા પૂરો.
2. અને આમ તો તમે ય મારી વાટ જુઓ છો, કેમ, ખરું ને…
‘હા’ કે ‘ના’માં જવાબ આપો.
3. (આવ, હવે તો ભાદરવો વરસાદ થઈને આવ, મને પલળાવ !)
કૌંસમાં લખ્યા પ્રમાણે કરો.
4. નાની પ્યાલી ગટગટ પીને ટાઢા પેટે હાથ ફેરવી હું તો જાણે બેઠો’તો, ત્યાં તમને જોયાં. તમને જોઈ તરસ્યો તરસ્યો તરસ્યો થ્યો છું : રસ-આસ્વાદ કરાવો.
5. શ્વાસોચ્છવાસો કોના માટે? કારણ પૂરાં પાડો.
6. છેકાછેકી બને તેટલી ઓછી કરવી.
(સાફસૂથરો કોરોકટ બસ તને મળ્યો છું)
7. ‘તમને હું ચાહું છું, ચાહીશ.’ કોણે, કયારે, કોને, આવી પંક્તિ(નથી)કહી?
8. હવે ખુલાસો. આ લો મારું નામ લખ્યું કાગળ પર, તેને ચૂમો. નહીંતર કેન્સલ વ્હોટ ઈઝ નોટ એપ્લીકેબલ.
Like this:
Like Loading...
