ફીચર્ડ

It’s me…


30550084_1858870257516376_1968512818_o

હું પ્રિયંકા જોષી ‘પ્રેમપ્રિયા’.

સંગીત અને સાહિત્ય મારા વ્યક્તિત્વ સાથે વણાઈ ગયેલાં અભિન્ન તત્વો.                અને આ બ્લોગ બનનાવવા પાછળનો  ઉદ્દેશ પણ એ જ. માતૃભાષા પ્રત્યેનાં વિશેષ પક્ષપાત સાથે અન્ય ભાષા પ્રત્યે પણ આકર્ષણ ખરું.                જે અહીં રજુ કરેલ પોસ્ટ જોઈને  આપ જાણી શકશો.૨૦૧૦થી બ્લોગીંગ ચાલુ કરેલું અને મુખ્ય ગુજરાતી અને હિંદી તેમ જ અંગ્રેજી સાહિત્ય પીરસવાનો પ્રયાસ કરેલો.સ્વભાવની કલાપ્રિયતાને કારણે સુંદર ચિત્રોથી સજાવ્યો પણ.  અનિવાર્ય સંજોગોનાં કારણે ઘણાં સમય સુધી  કાર્યરત ન થઈ શકાયું. એક લાંબા અંતરાલ બાદ આજે આ બ્લોગરૂપી આંગણે આપને આવકારવાં ફરી આવી પહોંચી છું.

આપ સૌને એ જણાવતાં અત્યંત આનંદ અનુભવું છું કે સાહિત્ય વાંચનનો શોખ ધીરે ધીરે સાહિત્ય સર્જન તરફ આગળ વધી રહ્યો છે. અહીં આપ સૌ માણી શકશો મારી સ્વરચિત કવિતા, વાર્તા, વાચિકમ…અને સાથે સાથે અવનવાં ગીતો અને પ્રતિષ્ઠિત સાહિત્યકારોની રચનાઓ તો ખરી જ…

આશા છે આપણાં બ્લોગનાં નવાં સ્વરુપને એ જ ઉમળકાથી વધાવશો…

– પ્રિયંકા જોષી ‘પ્રેમપ્રિયા’

Advertisements

Sky to sea


As the dawn turns in the dusk
And everything is sailing in silence
The serenity brings voidness…
In the memories of 
The days of joy and glee
Captured by life when we came across…
Stare upon those moments…
Do you persist to dry your eyes from the moist? 
As the fragrant wind blows with the breeze…
Are your arms barren from starving to seize? 
As the crescent moon touches the horizon…
Do you still travel sky to sea?

– Priyanka Joshi

તેરે બાદ.. -1


તેરે બાદ..
તેરે બાદ.. આ વાત આમ તો સદીઓ જૂની છે અને આમ સાવ નક્કોર. કોઈ ચાલ્યું જાય છે – દાખલો અધૂરો છોડીને, કોઈ ચાલ્યું જાય છે વાર્તાને સ્થગિત કરીને, કોઈ ચાલ્યું જાય છે જીવનને સ્ટેચ્યુ કહીને અને પછી એ શૂન્યાવકાશની પળોમાં સર્જાય છે એક એવી લેખમાળા છે જે કોઈના ચાલ્યા ગયા પછીનો ચિતાર આપે છે. આ લેખમાળા શબ્દોમાં કોઈના જતી વેળાનાં પગલાં મોતી બનીને પરોવાયા છે.
કોઈના ચાલ્યા ગયા પછીની ઘટનાઓને વણી લેતી આ લેખમાળા એ તમામ લોકોને અર્પણ છે જેમના જીવનમાંથી કોઈ ચાલ્યું ગયું છે, સાવ અધવચ્ચે અને અંતરિયાળ.
જયારે કોઈ ચાલ્યું જાય છે ત્યારે સર્વત્ર તેનો અભાવ ઘેરી વળે છે. ઠેક્ઠેકણે ખાલીપાનાં સગડ મળ્યા કરે છે.
કોઈનાં ચાલ્યાં ગયા પછી રચાતો શૂન્યાવકાશ અહીં બખૂબી શબ્દસ્થ થયો છે.

લેખિકા શ્રી પારુલ ખખ્ખરની કલમે રચાયેલી અશ્રુભીની વાતને મેં મારો સ્વર આપવાનો પ્રયાસ કર્યો છે.

તેરે બાદ – ૧


હા…તારા પછી પણ શ્વાસ ચાલે છે, હ્રદયમાં લોહી શુદ્ધ થઇ આજે પણ ધમની અને શિરાઓમાં ફરે છે, નખને શેપ અપાય છે, અરીસામાં જોવાય છે, દ્રાક્ષ આજે પણ મીઠી જ લાગે છે અને લીંબુ એવું જ ખાટું ! ચા હજું પણ ડાર્ક ગુલાબી જ ભાવે છે અને થાળીમાં આવેલું દુધીનું શાક મોં પર મલકાટ લાવે છે…યેસ..આજે પણ ! ગુલમહોર પરથી લાલચટાક પાંદડીઓ ખરે છે…અને દિવસ થાય છે..સાંજ થાય છે..રાત થાય છે….અને ઋતુઓ બદલાય છે…અને….અને…અને….
એક મીનીટ !
સાહિબાન…મહેરબાન…કદરદાન…
જો આ બધું આમ જ ચાલતું હોય તો…’તારા પછી’ની કિતાબનું અનમોલ પન્નું મારે શા માટે ચિતરવું જોઇએ?!!
પણ ના….એમ નથી જ !
આ તો ત્રિપરિમાણીય દ્રશ્ય છે…જે તમને દેખાય…જે મને દેખાય…અને જે હકીકતે હોય…એ ત્રણેય અલગ અલગ હોઇ શકે.
પ્રેમ તો આઇસબર્ગ…ઉપલી સપાટી પર માત્ર ૨૦% જ દેખાય ૮૦% તો અંદર રહે…સાવ અદ્રશ્ય.
દરેક ઘટના બહારથી સહજ…અને અંદર કેટલાયે ઇતિહાસ છૂપાવીને બેઠી હોય અને તેથી જ..બધું એમને એમ જ છે..પણ હકીકતે એમ નથી જ…અને આ શું કહેવાની વાત છે ખરી !!!
ખબર નહી કેમ…રોજ સવારે દીવા-બત્તી ટાણે એક હેડકી આવ્યા કરે છે તારા ગયા પછી.
વિષ્ણુ સહસ્ત્રનામની સાથે સાથે એક હજારએકમું નામ તારું પણ લેવાઇ જાય છે.
અરીસામાં હું મને શોધું છું અને દેખાવા લાગે છે તું.વાળની સફેદીમાં જાણે એક સંદેશો છૂપાયેલો મળી આવે છે કે અટકી જા અહિંયા જ..અને આંખો મિંચી લઇ છું. શું આને જ શાહમૃગવૃતિ કહેવાતી હશે !
કીચન એ જ છે,પ્લેટફોર્મ એ જ છે,ગેસ અને ચાની તપેલી પણ એ જ છે.ચા ઉકળતી રહે છે અને કોઇ વાસંતી વાયરો ગેસને ઓલવી નાંખે છે.ઉકળી ઉકળીને રાતીચોળ થયેલી ચા…પીવાયા વગર ઠરતી રહે છે અને ખૈર..પછી તો સીંકમાં ઢોળી દેવી પડે છે.
તારા પછી હવે સંજવારીમાં ચાંદલા નથી મળી આવતા…એ તો શિસ્તબધ્ધ રીતે રાતે પ્લાસ્ટીક પર ચિપકાવી દેવાય છે..સવારે નાહીને ફરી લગાવી દેવાય છે કપાળ પર…સૌભાગ્યચિહ્ન તરીકે ! એવું લાગે જાણે કશું જ એક્સપાયર નથી થયું માત્ર સંબધ સિવાય.
એક અજીબ વાત બની છે તારા ગયા પછી…પાણી જ નથી પી શકાતુ….હવે મુદ્દલ તરસ જ નથી લાગતી !.અને પાણી ન પીવાથી થતા અનેક રોગોનો ભોગ બની છું.
અને સ્માર્ટફોનની સ્માર્ટનેસ પણ કમાલ હોં !!! બ્લોક થયેલ પરસન સાથે સ્નાન-સૂતકનો વહેવાર પણ ન રહેવા દે બોલો ! જો કે એસ.એમ.એસ.ના ભણકારા વાગે ક્યારેક…પણ એ તો માથું ધૂણાવીને ખંખેરી નાંખવાના.
ટી.વી.ની મ્યુઝીક ચેનલ જ માત્ર જોવાની…ધનધનાટ પાર્ટી સોન્ગ્સમાં ડૂબી જવાનું.અને સાવ કોરાધાકોર પાછા વળવાનું ! જ્યારે જ્યારે પેલું સોંગ આવે….’યે દુનિયા…યે દુનિયા..પિત્તલ દી….ઓ..બેબી ડોલ તું સોને દી’….ત્યારે કમબખ્ત આંસૂ ધડધડાટ વહેવા લાગે ! બહુ મુશ્કેલીમાં મૂકી દે આ આંસૂ…આવા સોન્ગ્સ પર તે કંઇ રડાતું હશે ! અને હું વિચારું કે એનાં શબ્દો પર કેમ કોઇનું ધ્યાન નહી ગયુ હોય !પિત્તળ માટે સોનું ગિરવે મૂકવા ચાલી હતી હું !નાદાન…
તારા જવાથી એકાદ રસ્તો બંધ થયો કદાચ.પણ કંઇ કેટલીયે દિશાઓ ખૂલી ગઇ છે.કેટલાયે રસ્તાઓ લાલજાજમ બિછાવીને આમંત્રણની મુદ્રામાં ઉભા છે પણ યાર…હવે ચાલવું છે જ કોને !પગ પર મણમણનાં વજનિયાં પડ્યા છે. ખબર નહી ક્યા ભવનો થાક છે કે આગળ ચાલવા જ નથી દેતો. સાવ અંતરિયાળ..અધવચાળે બેસી જવાયું છે.
અઠવાડિયાનાં છ દિવસ એકસરખા આવે અને જાય. જે દિવસે બહુ બીઝી રહેવાય ત્યારે યાદ આવે કે આજે રવિવાર લાગે છે !અને એકસાથે કેટલાયે રવિવારો ઝબકી જાય ચિત્તમાં ! ફરી માથું ધૂણાવી દઇ અને ખંખેરી નાંખુ…
રોજ સાંજ પડ્યે ચાલવા જવાનું,સંગીત સાભળવાનું,જ્યુસ પીવાનું મજ્જાની લાઇફ ! પણ હા, હવે એકલી ચાલવા નથી જતી એટલો જ ફરક પડ્યો છે તારા પછી.
આજે પણ બે વત્તા બે આંખોનું સાયુજ્ય તારામૈત્રક જ કહેવાય છે.
આજે પણ બે વત્તા બે હોઠોનાં સંયોજનમાં સભાનતા વિસરાઇ જાય છે.
આજે પણ બે વત્તા બે ભૂજાઓની ભીંસમા કોયલ ટહૂકે છે જાણે.
અને બસ…
ત્યાર પછી કોઇ હિમાલય સાદ પાડવા લાગે છે મને,
અને પછી હું હું નથી રહેતી.
તને સમજાય છે આ?
અને જો આ બધી બાબતોને ફરક પડ્યો કહેવાતો હોય તો,હા ચોક્કસ ફરક પડ્યો છે મારામાં…તારા ગયા પછી.

— પારુલ ખખ્ખર

* Qualification *


21559060_1598790450191026_1297675171536504101_n

 

* Qualification *

There was a cluster of phenomenal role models against her.
Ma, Grandma, Grani, sister, aunts, chachi, masi, bua and so on…
And as If it was not enough, 
Sita and Savitri are also there…!!

She became such obedient and darling daughter …
She was suffocated by cuddling.

She became an ideal wife….
That’s a great deal.
A heap of happiness and comfort has been glutted in front of her.

She also became a great mother …. idol of sacrifice… !!
While this journey of life
she has to pass through innumerous comma and periods.

Eventually, she came forth as pure gold.
But,
He did not have to do any of these.
The reason –
“He had a mustache.”

– Rajul Bhanushali
Translated by Priyanka Joshi

Merry Christmas !! Micro fiction story : પ્લમ કેક


” આજે તો તે રંગ રાખ્યો. આ ઉમરે પાંચ કલાક સુધી આમ કુદકાં મારવા કંઈ જેવી-તેવી વાત છે! આ લે, પૂરાં ત્રણ હજારને ઉપરથી ત્રણસો બીજા. જલસા કર.”
” થેન્ક યુ, સર. ગોડ આપકો ઓલવેસ હેપ્પી રખેગા. ”
“અરે, કોસ્યુમ તો ઉતારતો જા…સાંભળ, કાલે સાંજે ટાઈમે આવી જજે. ”
બારનાં ટકોરે ઘેર પહોંચવા પીટરે ઝડપ કરી.
* * *
” હેં બા, સાંતા હોય? “, નાનકાની આંખમાં વિસ્મય હતું કે આશંકા એ નક્કી ન થઈ શક્યું.
” યેસ માય સન. સાંતા પક્કા હોતા હૈ. સાંતા હી તુમે હમકો દિયા. અભી તુમ સો જાયેગા તો હીચ વો આયેગા. ”
નાનકાએ ફરી ઉંઘી જવાનો ડોળ શરૂ કર્યો ત્યાં જ ઓરડીનો દરવાજો ખુલ્યો.
લાલચટ્ટક કપડાં અને રૂપેરી દાઢી ધારણ કરેલાં સાંતા ક્લોઝ!
.. અને નાનકાના હાથમાં એક સુંદર બોક્સ!
“હેં બા, આ હુ હ? ”
” ઇટ્સ પ્લમ કેક. મેરી ક્રિસમસ માય સન. ”
” હેં બા, આ કેકમાં મેઠું હોય? ”
જેનીએ પણ મીઠી નજરમાં ખારાશ છુપાવતાં સાંતા સામે જોયું.
“ પીટર, આદમી કો દુસરે કો ચીટ કરને સે પેહલે ખુદકો ચીટ કરના પડતાં. તેરે સે નહી હોગા. ”
– પ્રિયંકા જોષી ‘પ્રેમપ્રિયા’

ટૂંકી વાર્તા – ધાગે


40175996_752146711796122_4465657525500379136_n.jpg

(Image- artist : Shuchi Krishan)

 

મમ્મી, જૉહ્નથનનો મેઇલ આવ્યો છે. એમને આપણું કન્સાઈનમૅન્ટ મળ્યું નથી. હું જરા ફૅડેક્સની ઓફિસ પર તપાસ કરી આવું.”, એકટીવાની ચાવી ઘુમાવતાં કૃતિકા બોલી.

તમારી રંગોની પસંદગી અફલાતૂન છે હોં મમ્મી…”, હસતાં હસતાં એણે પગ ઉપાડ્યા.

હા બેટા, જઈ આવ.” ઈંદુબેન હીંચકા પર બેસી આજે જ આવેલાં મેગેઝિન નો નવો અંક જોઈ રહ્યા હતાં.

કેટલી ઉત્સાહી છે છોકરી !! એનાં ઉત્સાહે મારામાં પણ એક નવી ઉર્જાનો સંચાર થાય છે. “, કૃતિકાની ત્વરિત ચાલને જોઈ મનોમન બોલી ઉઠ્યાં.

***

તને એમાં ખબર પડે.”

વાક્ય ઈંદુબેન છેલ્લાં પચ્ચીસ વર્ષથી લગભગ રોજ સાંભળતાંજીવનની ધ્રુવ પંક્તિ અલગ અલગ વ્યક્તિઓ પાસેથી અલગ અલગ સંદર્ભે સાંભળવા મળતી.

વાત કંઈક આમ હતી

ઈંદુબેનના પતિ સુભાષભાઈ અમદાવાદમાં રહેતા. વતન તો હતું લીમડી પણ એમનાં ભણતર અને નોકરીએ એમને સંપૂર્ણ અમદાવાદી બનાવી દીધેલા. પોતે અમદાવાદ રહેતાં અને એમની ઈચ્છા પણ એવી હતી કે કન્યા અમદાવાદની હોય. શહેરમાં ઉછરેલી હોય. પણ સુભાષભાઈની કુંડળી કંઈક અટપટી હતી જેથી શહેરમાં રહેતી, સારા ઘરની ભણેલી, સુશીલ, દેખાવડી એવી ઘણી કન્યાઓ જતી કરવી પડી. હવે ઉમર પણ સત્તાવીસે પહોંચવા આવી એટલે માતાપિતાનાં  આગ્રહવશ ઈંદુબેન સાથે કમને લગ્ન માટે સહમતિ આપી.

ઈંદુબેન ગોંડલમાં રહેતાં એક સંપન્ન પરિવારના દીકરી. ગ્રેજ્યુએટ થયેલાં, દેખાવડાં, સુશીલ અને સર્વગુણ સંપન્ન યુવતી. પણ સુભાષભાઈનાં મનમાં એક ગ્રંથિ બંધાઈ ગયેલી કે ગામડાના છે. ગોંડલ પણ એક નાનું પણ સુંદર શહેર છે પણ વાત સુભાષભાઈને કેમ સમજાવવી??

આવી વિસંવાદિતાઓ વચ્ચે એમનાં લગ્ન થયા અને પછીથી સુભાષભાઈ પત્ની અને માતાપિતા સાથે અમદાવાદ રહેવા આવી ગયા.

પિયરના મેડીબંધ હવેલી જેવા ઘરમાંથી ઈંદુબેન બે રૂમ રસોડાનાં ફ્લેટમાં આવ્યાં. સૌરાષ્ટ્રના રિવાજ પ્રમાણે કરિયાવરમાં કપડાંલત્તાં અને ઘરેણાંની સાથે હસ્તકલાની ઘણી ચીજવસ્તુઓ જાતે બનાવીને લાવેલાં.

બધું શું છે?”

ઝીણાં મોતી ભરેલું તોરણ. મેં જાતે બનાવ્યું છે

” તમને ગમ્યું??…. બીજું પણ ઘણું છેબતાવું?”

 ” નહીં નહીં બધું અહીં શહેરમાં ચાલે. તો ત્યાં ગામડામાં હોય. આટલી ખબર નથી પડતી?”

ઈંદુબેને મન મારીને બધું માળિયે મૂકી દીધું.

***

 ‎” બા આજે જમવામાં શું બનાવું? “, મહારાજ ઘણીવાર સુધી એમનાં જવાબની રાહ જોઈ ઉભો હતો.

કંઈ બોલી શક્યાં. થોડીવાર મહારાજ ઈંદુબેનની અનિર્ણાયક સ્થિતિ જોઈને ચાલ્યો ગયો.

***

બા આજે જમવામાં શું બનાવું? “

સાસુના ચહેરા પર પ્રશ્નાર્થ જોઈ ઈંદુબેને ફોડ પાડયો.

આજે એમની વર્ષગાંઠ છે તો આજે સાંજે એમની મન પસંદ વાનગી બનાવું. બા, કહો ને એમને શું ભાવે? “

કોડભરી નવવધુને નીરખતાં બા અત્યંત હર્ષ પામ્યાં. .

ભાઈને તો શીરો બહુ ભાવે. આપણે ગામ રહેતા ત્યારે આપણી હાલત થોડી પાતળી તો પણ એના જન્મદિવસ અચુક શીરો બનતો. ભાઈ હોંશે હોંશે ધરાઈને ખાતો.”

તો તો આજે શીરો બનાવું.”

સાંજે રસોઇથી પરવારી ઈંદુબેન પતિની કાગડોળે રાહ જોઈ રહ્યાં

સાતઆઠનવઈંદુબેને આગ્રહ કરી સાસુ સસરાને જમાડી દીધાંસુભાષભાઈ ઘરે આવ્યા ત્યારે સાડા દસ વાગી ગયા હતા. ખુબ થાકેલા પણ જણાતા હતા.

બાબાપુજી સુઈ ગયાં? “

ઈંદુબેને હકારમાં માથું હલાવ્યું.

બહુ મોડું થઈ ગયું આજે. ભુખ પણ લાગી હશે. થાળી પીરસું?”

મારા જન્મદિવસ નિમિત્તે અૉફિસ સ્ટાફને પાર્ટી આપી. ત્યાં જમીને આવ્યો છું.”

પણ મેં તો તમારો પ્રિય શીરો..”

નોનસૅન્સ, જન્મદિવસે તો કંઈ શીરો હોય? બર્થડે પર કેક કટ કરવાની હોય. પણ તને એમાં ક્યાંથી સમજ પડે?!”

હું નાહીને આવું એટલીવારમાં તું પણ ફ્રેશ થઈ જા. તારી પાસેથી ગીફ્ટ તો ચોક્કસ લઈશ. “, અવાજમાં બને તેટલી સુંવાળપ લાવી બોલ્યાઅને વિરોધાભાસ વચ્ચે વમળાતાં પોતે સંજોગોને વશ થઈ પછી પતિને વશ થઈ ગયાં.

સતત નાનીમોટી અગવડતાઓ વચ્ચે પણ હસતાં મોઢે અનુકૂલન સાધી નાનકડાં ફ્લેટમાં સાસુ સસરા સાથે સંતોષથી રહેવા લાગ્યાં. ઈંદુબેન પહેલેથી કાર્યદક્ષ અને કુશળ. ઘરની સંભાળ ઉપરાંત સુભાષભાઈને પણ મદદ કરવાની તૈયારી બતાવે.

‎” તમારે મોડું થતું હોય તો હું બૅન્ક જઈ આવું. બાપુજીના આવા નાના મોટા કામ હું પહેલાં કરતી .”

‎” તને એમાં શી ખબર પડે? રસ્તાઓ જોયા છે? કંઈ તમારું ગામડું નથી.”

લાઈટ બીલ ભરવાનો કાલે છેલ્લો દિવસ છે.”

તને એકને ખબર પડે?”

‎” બાથરૂમમાં પાણી ટપકે છે. “

‎” મારા ધ્યાનમાં છે . તારે કહેવાની જરૂર નથી. “

આમ ને આમ સમય સરતો રહ્યો. લગ્નના બે વર્ષ બાદ એમને એક પુત્રને જન્મ આપ્યો. રંગેરૂપે ખુબ સુંદર અને તંદુરસ્તછઠ્ઠીની વિધિ પતી પછી રાતે એમણે ખુબ ભાવુક થઈને કહ્યું,

આપણે આપણાં દીકરાનું નામ આશુતોષ રાખીશું. “

‎” મેં જન્મની નોંધણી વખતે અનિકેત નામ લખાવી દીધું છે.”

‎” તમે મને એકવાર કહ્યું પણ નહીં?? “

 ‎” એમાં તને શું કહેવાનું? નામ મોર્ડન પણ લાગવું જોઈએ ને!

પોતાનો દીકરો, પોતાનું પ્રથમ સંતાન, એનું નામ પાડવાની પણ સમજ પડે!

ઈંદુબેનનું મન ચિરાઈ ગયું. બસ ત્યારથી એમનાં હસમુખ સ્વભાવમાં એક મૌન પથરાઈ ગયું.

પછી તો દીકરાના કપડાં, રમકડાંથી માંડી એની સ્કૂલ અને વિષયોની પસંદગીમાં ક્યારેય એમણે પોતાનો મત જણાવ્યો જો કે કોઈ ક્યારેય એમને પુછ્યું પણ ક્યાં હતું!

ફલેટમાંથી રૉહાઉસમાં અને પછી ટૅનામેન્ટમાં રહેવા આવી ગયાં. દીકરાના પગલે ઘરમાં આર્થિક સધ્ધરતા આવી. અનિકેત હતો પણ એવો કે પરાણે વ્હાલો લાગે. એની મમ્મી એની એની દુનિયા. ગીતો સાંભળવતી મમ્મીવાર્તા કહેતી મમ્મી.. હોમવર્ક કરાવતી મમ્મી.. સ્વાદિષ્ટ વાનગીઓ ખવડાવતી મમ્મી.. બાને આદર આપી સાચવતી મમ્મી.. ઓછાબોલી અને પ્રેમાળ મમ્મી. મમ્મી એને ખુબ વ્હાલી. પણ પપ્પાની હાજરીમાં મમ્મી કંઈક વધારે ચૂપ થઈ જતી. જેમ જેમ સમજણો થતો ગયો એને પણ મમ્મી અણઘડ લાગવા માંડી. પપ્પાની સતત અવગણના અને મમ્મીના મૂક અનુસરણને કારણે અનિકેતના મનમાં પણ વાત બેસી ગઈ કે મમ્મીને કંઈ ખબર પડે.

સ્કુલમાં જતો અનિકેત ક્યારે કૉલેજ જતો થઈ ગયો ખબર પડી. અનિકેત દેખાવમાં બિલકુલ ઈંદુબેન પર ગયેલો. બુદ્ધિશાળી તો પહેલી હતો અને ભણવામાં પણ અવ્વલ રહેતો.

એન્જિનિયરીંગ પુરું કરી એક મલ્ટીનેશનલ કંપનીમાં જોડાયો. ભણેલો, દેખાવડો અને સારું કમાતો અને કુટુંબની છાપની સારી. સારાં સારાં ઘરના માગાં આવવા લાગ્યાં. લગ્ન ઇચ્છુક યુવતીના માતાપિતા સૌપ્રથમ ઈંદુબેનનો સંપર્ક કરતાં પણ એમની ઈચ્છા અનિચ્છાનું કોઈ મુલ્ય હતું. ઘરનાં નાનામોટા નિર્ણયો સુભાષભાઈ કરતાં. અનિકેત પણ પોતાના નિર્ણયો જાતે કરતો. અરસામાં અનિકેત કૃતિકાને મળ્યો. કૃતિકા એની કંપનીના માર્કેટિંગ ડિપાર્ટમેન્ટમાં મુંબઈની ઓફિસમાં કામ કરતી હતી. એનાં અભિજાત સૌંદર્ય, બુધ્ધિમત્તા અને મૃદુતાથી ઘણો પ્રભાવિત થયો. એનો પરિવાર અમદાવાદમાં રહેતો હતો. આત્મવિશ્વાસથી છલકાતી કૃતિકા તરફ અનિકેત ખેંચાતો ગયો. પરિચય મૈત્રીમાં અને મૈત્રી ધીરે ધીરે પ્રેમમાં પલટાવા લાગી.

આઈ લવ યુ, કૃતિકા. વિલ યુ મેરી મી? આઈ વોન્ટ ટુ લીવ માઈ હોલ લાઈફ વિથ યુ.”

‎” આઈ વિશ ટુ, અનિકેત. પણ મારે મમ્મી પપ્પાની સહમતિ લેવી પડશે.”

અનિકેત કૃતિકાના માતાપિતાને મળ્યો. દીકરીનાં ભાવિ જીવનસાથી તરિકે અનિકેત દરેક યોગ્ય હતો. એમણે લગ્ન માટે સહર્ષ સ્વીકૃતિ આપી. ઈંદુબેન અને સુભાષભાઈ પણ કૃતિકાને મળ્યાં. કૃતિકાનું નિખાલસ વ્યક્તિત્વ જોઈ ખુશીથી સંમતિની મહોર મારી દીધી.

રંગેચંગે બન્નેના લગ્ન લેવાયાં અને કૃતિકા નવોઢા બની ઘરમાં પ્રવેશી.‎ ગણતરીના દિવસોમાં જાણી ગઈ કે ઘરમાં ઈંદુબેનને કોઈ કંઈ પુછતું નથી. એણે મનોમન નક્કી કર્યું કે પોતે ફરીથી એમનામાં આત્મવિશ્વાસ પ્રગટાવશે.

હવે કૃતિકા મુંબઈની જોબ છોડી દીધી હતી અને ફરી જોઈન કરતાં પહેલાં ફેમિલી સાથે સમય વિતાવવા માગતી હતીકૃતિકા નાનામાં નાનું કામ ઈંદુબેનને પુછીને કરતી. અનિકેત અને સુભાષભાઈ રોજ સવારે નીકળી જતા પછી કૃતિકા અને ઈંદુબેન આખો દિવસ વાતો કરતાં. વાતો વાતોમાં કૃતિકા જાણ્યું ઈંદુબેનને ભરતગુંથણનો ખુબ શોખ છે. નોકર પાસે માળિયેથી બધી જૂની વસ્તુઓ ઉતરાવી.

કૃતિકા જે ઉત્સાહથી બધું જોઈ રહી હતી જોઈ ઈંદુબેનને ખુબ આનંદ થયો.

‎”મમ્મી, યુ ગોટ અમેઝીંગ ટેલન્ટ એન્ડ સ્કીલ! “

ઠીક છે. અહીં શહેરમાં તો આવું કોને ગમે? હવે તો ગામડામાં પણ બધું આઉટ ઓફ ફેશન થઈ ગયું.”

એવું કોણે કહ્યું, મમ્મી ? કળા તો સોનું કહેવાય. એને શેં કાટ લાગે? હું આમાંથી એક બે વસ્તુ રાખું? “

‎” અરે, બધું તારું સમજ. તું એની પહેલી કદરદાન છે.”

કોઈ ખજાનો હાથ લાગ્યો હોય એમ હરખાતી હરખાતી બધું લઈને ગઈ.

કૃતિકા એની ફેશન ડિઝાઇનર ફ્રેન્ડ શેલીને મળી અને પેલાં નમૂના બતાવ્યાં. ઘેલી ઘેલી બીજા દિવસે ઘરે આવી ચડી.

હેલ્લો આંટી, વૉટ ફેન્ટાસ્ટિક વર્ક યુ હેવ ડન! “

કૃતિ, યુ આર સો લકી ટુ હેવીંગ સો ટેલન્ટેડ મધરઈનલૉ.”

કૃતિકા સાથે કલાક એક વાતો કરીને એણે વિદાય લીધી. કૃતિકા શેલી સાથે ટાઈઅપ કરી ઈંદુબેનની કલાને એક નવો આયામ આપ્યો. રોજ સવારે સુભાષભાઈ અને અનિકેત ઓફિસ જાય પછી કૃતિકા અને ઇન્દુબેન શેલીનાં બુટિક અને વર્કશૉપ પર પહોંચી જતાં. ઈંદુબેન અત્યંત ધીરજથી આધુનિકયુગનાં કારીગરોને પોતાની કળાત્મક સૂઝનો લાભ આપી શીખવતાં અને શેલી એને કુશળતાથી અર્બન લૂક આપતી. માર્કેટીંગ અને એડવેરટાઈઝમૅન્ટની પૂરી જવાબદારી કૃતિકાએ પોતાના પર રાખી હતી. ત્રણ વર્ષની સતત મહેનત રંગ લાવી રહી હતી.

એક અઠવાડિયા બાદ જયારે શેલી ઈંદુબેન સાથે પોતાનો પ્રથમ શૉ યોજવા જઈ રહી હતી ત્યારે સવારે બ્રેકફાસ્ટ ટેબલ પર કૃતિકાએ અનિકેત અને સુભાષભાઈને સરપ્રાઇઝ આપતાં શૉનું ઇન્વિટેશન કાર્ડ સામે ધર્યું.

પપ્પા, મમ્મીનાં ડિઝાઇન કરેલાં ડ્રેસીસનાં ફેશન શૉનું કાર્ડ છે. તમે મમ્મીને પ્રોત્સાહન આપવાં હાજરી આપશો ને?”

અનિકેત, તું પણ ટાઈમ મૅનેજ કરીને આવી જજે. મમ્મી માટે બહુ ખાસ છે દિવસ.”

અનિકેત આશ્ચર્યચકિત થઈને ઈંદુબેનની પ્રતિભાને જોઈ રહ્યો. કદાચ જીવનમાં આજે પહેલીવાર તે પોતાની મા પર ગર્વની લાગણી અનુભવી રહ્યો હતો.

વૉટ ફૅન્ટાસ્ટિક સર્પ્રાઇઝ મૉમ?! બધું..આઈ મીન ક્યારે? આઈ એમ રીયલી પ્રાઉડ ઓફ યુ મૉમ. “, અનિકેત પોતાના હર્ષ અને આશ્ચર્યને ખાળી શકે તેમ હતો.

સુભાષભાઈ ઈન્દુબેનને આજે એક નવાં રૂપમાં નીહાળી રહ્યાં. ઈંદુબેન પણ અશ્રુભીની આંખે કંઈક અપેક્ષાસહ સુભાષભાઈ તરફ જોઈ રહ્યાં. વીતેલા વર્ષોની એક એક પળ બંનેની ચિત્તપટ પરથી પસાર થઈ ગઈ જયારે એમને ઈન્દુબેનને દરેક બાબતમાં ઓછા આંકી અવગણ્યા હતાં.

હું જરૂર આવીશ ઈંદુ, તારી સફળતાની ઉજવણી આપણે સાથે મળીને કરીશું.”,પશ્ચાતાપભરી ભીની આંખોને છુપાવતાં ઓફીસ જવા નીકળી ગયા. ઈંદુબેન પોતાના હર્ષાશ્રુને રોકવામાં બિલકુલ અસમર્થ હતાં.

ફૅશન શો ખુબ સફળ નીવડ્યો. ઈંદુબેનની ગામઠી કલાનાં અર્બન બ્લેન્ડને લોકો ખુબ પસંદ કર્યું. ફેશન વર્લ્ડમાં એમની ક્રિયેટિવીટી ખુબ સરાહના પામી. લોકોની ખુબ વાહવાહી મળી. સુભાષભાઈની આંખોમાં પત્ની પ્રત્યે એક આદર પ્રસ્થાપિત થયો જે ઈંદુબેન માટે સૌથી વધારે મહત્વનું હતું.

કૃતિકા પોતાની માર્કેટીંગ સ્કીલ કામે લગાડી. પાંચ વર્ષની અથાક મહેનતથી આજેધાગેબ્રાંડ સફળતાપૂર્વક લૉન્ચ થવા જઈ રહી હતી.

***

અતીતનાં સાગરમાં સફર કરી પાછા આવેલાં ઇન્દુબેન અનન્ય આત્મવિશ્વાસથી ટટ્ટાર થઈ બેઠાં. હાથમાં રહેલી મૅગેઝીનનાં કવર પેજ પર પોતાની કૃતિકા સાથેની ગર્વિત આભા રેલાવતી તસવીરને ભીના ટેરવાથી ચૂમી રહ્યાં.

ટાઈટલ હતું

“More than a Daughter-in-law.. My friend, philosopher and guide. “

– પ્રિયંકા જોષી ‘પ્રેમપ્રિયા’

 



 ‎